مكدوس

إذا تدور على المونة الشامية التمام بطعمها البلدي الأصيل، مكدوس ألبان البادية يوصلك محضر على أصول الشغل القديم وبكل دقة ونظافة.

مجهز من باذنجان بلدي طازج وصغير الحبة، مسلوق ومكبوس علكيفه حتى ينشف من المي تماماً ويحافظ على قوامه المتماسك، ومحشي بخلطة غنية ومتروسة خير من الجوز المحمص، الثوم البلدي، ودبس الفليفلة الموزونة بلسعة حرارة خفيفة تفتح الشهية. ومغطس بـ زيت زيتون بكر صافي يحفظه وينطيه لمعة ونكهة تسكن بالگلب.

سيد المقبلات والمونة على السفرة؛ يلوگ ويا الصمون العراقي المكسب أو خبز التنور الحار بالريوك، ويكسر دسومة أكلات الغدا كطبق مقبلات فاخر، أو كعشا خفيف وسريع ويه طاسة لبن أو جبن عرب. طبيعي 100%، خالي من أي مواد حافظة أو إضافات صناعية، شغل معدّل ومرتب يملي العين ويبيض وجهك كدام العائلة والخطار.